A HABITACIÓN
Xélido crucifixo de ferro,
Hábito branco, corazón frío,
Sonda, soro e barrotes brancos,
Liturxia sen sentido.
Paseos polos corredores brancos,
Miradas, desprezo e penitencia,
Eucaristía obrigada,
Submisión, pobreza e piedade
forzada,
Sabas brancas, cadeiras brancas,
Cerebros esbrancuxados,
Uñas negras, pel morena,
Rosario de mármore branco.
Abrazos esvaecidos, roces
fuxidíos,
Choros sen bágoas, mortalla
branca,
Pálpebras cerradas, labios
fendidos,
Voces afogadas no branco dos
muros.
Pasos silandeiros, unha porta
branca,
E un voitre negro cun vurullo
branco
Que axexa o neno que dorme
O insomnio dun pesadelo branco.
Poema de Manuel Eiroa; a nossa singela homenagem à língua galega.
